Uyghur dégen

Uyghur dégen mushundaq!

Yighip yürgen dunyasini toygha dep,
Töküwitidu-
Mihman keldi öyge dep.
Déseng eger chüshenmestin:
Bu qandaq ?
Bilip qoyghin uyghur dégen mushundaq!

Uyghurlarning köngli -altun qoli -gül,
Bagh-baraqsan-
Ular turghan deshte-chöl.
Dostqa dégen méhri ochuq,
Köngli-aq,
Bilip qoyghin uyghur dégen mushundaq!

Ete axsham ishikini ilmaydu,
Qulup salmas,
Qizghinishni bilmeydu,
Chüshenmestin déseng eger:
Bu qandaq?
Bilip qoyghin uyghur dégen mushundaq!

Köchet tikip saye bolsun deydu u,
U sayida özi oltursa meylighu,
Dost-burader köngli toysa shu baqqa,
Men qatargha qoshuldum :
Der shu waqitta.
Qayghu chüshseteng bölüshüp alidu,
Birsi külse,
Uning köngli qanidu.
Qérindashdin artuq körüp xoshnini,
Atisidek tingshaydu,
Yar_dostini.
Japaringmu ,japadin u qorqmaydu,
Aghrip qalsang,
Eng awwal shu yoqlaydu.
Derding bolsa ,alidu u bölüshüp,
Shatliq küni-
Olturidu külüshüp.

Naxsha-sazsiz,meshrepsiz u yürmeydu,
Sen külmiseng,
U échilip külmeydu.
Sen égilseng,usunidu sen üchün,
He,sen sunsang
U ölidu sen üchün.

Uyghur dégen yaxshiliqqa yaralghan,
Bilim-ilmi-
Jahan'ghimu taralghan.
Oq ornida hemishem gül ünsun dep,
Emgek qilar-
Insan aman bolsun !Dep.