Gollandiye parlamit ezasi : qur'anni dölitimizde cheklesh kirek didi

Gollandiye ong qanat erkin partiyisining parlamént ezasi Geert Wilders yéqin kelgüside 10 minutluq bir filimni élan qilidighanliqini ashkarilidi, bu filimde u
Qur'anni "ichi tarliq,süyqest we térrorluq" bilen tolghan dégen mezmunni terghip qilghan bolup , bu filimde hetta qur'anni yirtish we depsende qilish süretliri bar iken.

Daniyede ikki yil burunqi muhemmed peyghember ( s e w ) ni haqaretlesh karton resimi élan qilin'ghan we pütün dunya miqyasidiki musulman ammisining nechche aygha sozulghan namayishi we qarshilighini qozghighan weqe, 2004 - yilidiki(Theo Van Gogh) wan'goghning islam dinidiki bir ayalning islam dinigha hörmetsizlik qilghan qilmishi teswirlen'gen filim sewebidin qoghlap öltürüshke duchar bolghan weqe sewebidin gollandiye hökümitimu Geert Wilders ning bu filimi gollandiye we pütün dunyadiki musulmanlarning qattiq qarshiliqigha uchrishi hetta qan tökülüsh peyda bolishidin ensirep nechche ret jiddiy yighin échip, térorizimgha qarshi organlarning bixeterlik pilanini tüzüshini buyruq qilghan we muhajirlarningmu
Özi turushluq konsulxanigha bérip ismini tizimlitishni élan qilghan.
Gollandiye bash ministiri Balkenende parlamént ezasi Geert Wilders ning bu pilani dunya ehlining diqqitini tartqanlighi we
Gollandiye hökümitining béshini aghritqanlighini we eng nachar netijilernimu oyliship qoyghanliqini iqrar qildi.
Gollandiye tashqi ishlar ministirliki xelq'ara jem'iyetning Geert Wilders filimi sewebidin kélidighan eks tesirge taqabil turush üchün tirishchanliq qilmaqta ,her qaysi el xelqige gollandiye hökümitining bu filimni qollimaydighanlqini éniq bildürmekchi boldi. Tashqi ishlar ministiri Verhagen : gollandiye hökümitimiz bu filimning mezmuni qiyas qilishqa amalsiz qalduq ,biraq nutuq erkinliki dégenlik bashqilarning hoquqigha dexli qilish dégenlik emes , musulmanlar nisbiti bir'az yuqiri bolghan amustirdam, rutérdam qatarliq chong sheherlerdiki
Imamlar musulmanlarning künséri éshiwatqan ghezep otini peseytish üchün nesihet qilishi kérek dep körsetti.
Biraq gollandiye parlamintidiki erkin partiye ezasi Geert Wilders özining hökümet tereptin kéliwatqan bésimgha qarimastin bu filimni
Téliwizur, tor we bashqa uchur wastillirida tarqitidighanliqini tekitlidi.
Öz béshimchiliq bilen dangqi ketken bu parlamént ezasi parlaméntqa qanun turghuzup qur'an we gitlérning terjimalini neshr qilishni chekleshni telep qilghan idi( http://bbs.xabnam.com/read.php?tid-27441-keyword-.html), Hetta u musulmanlar gollandiyide turushi üchün quranni yirtishi kérek dep jar salghan, uning bu qilmishi nechche qétim ölüm tehdidini keltürüp chiqarghan bolup, gollandiye hökümiti bu kishini qoghdash üchün uzaq mezgillik bixeterlik xadimliri sepligen.
Gerche gollandiye hökümiti bu weqeni peseytish üchün tirishchanliq körsitiwatqan bolsimu, biraq süriye islam uyushmisining bashliqi
Ötken hepte yawropa parlaméntini ziyaret qilghanda eger Geert Wilders filimide qur'anni yirtsa yaki köydürdighan bolsa uning bu qilmishi
Urush we qan tökülüshke küshkürutqanliq bolidu , filim élan qilinsa uning aqiwitini perez qilish tes dep körsetken. BBS.Xabnam.Com din kochuruldi