Némshihit shéiri

Nime dep bayan qilay, ey kaj pelek, hékayitingni,
Pash eyleyin elge séning shikayitingni.
Korgenmu xelq birer qétim inayitingni,
Tashlarsenmu qilip kelgen ziyaritingni?




Qaysi birler yoqsulluqta japa chekken,
Qaysi birler shum qushlargha boyun ekken.
Gahi gulge bahar bolmay ushshuk tekken,
Korelmiduq pelek séning halawitingni.



Gahi birni atasidin ayrip qélip,
Ya mihriban anasidin qayrip qélip.
Yitimliktin qanchilargha kulpet sélip,
Taparsenmu, éytchu ozung inawitingni?



Bir nechchiler << ئاھ بالام!>>...Dep otlar yaqar,
Xeste bulbul koygen baghni qandaq tapar?
Béliq sudin ayrilghandek hoshsiz yatar,
Sozler herkim herkun turluk malamitingni.



Bu ishliring el arilap bolar idi,
Xenjerliring yureklerni tilar idi.
Koz- yash bilen koldek nepsing tolar idi,
Untudungsen, waderixa, adalitingni.



Chunki, bugun hemmige teng qayghu salding,
Karabimni sudin élip laygha salding.
Olkimizning xelqin birdek waygha salding,
Kimler soysun séning mundaq alamitingni?



Tuyuqsizdin salding bugun bizge matem,
<< قايدا كەتتىڭ، ئەخمەتجان!>>Der hemme adem.
Ah, jigirim, qérindishim qasim zadem,
Qizghandingmu bugun bizdin hidayitingni?



Olkimizde qurmaq bolup yéngi gulbagh,
Xelqimizni qilghan iding ejep xushchagh.
Shum xewerdin yureklerge ornidi dagh,
Bihosh bolduq yoqatqachqa salamitingni.



Herbir sozung yureklerge dawa idi,
Ab- hawagha xush xuyliqing nawa idi.
Sendek dana olkimizge rawa idi,
Ah, hesrita! yoqattuq biz samahitingni.



Shum qushlardin baghni azad qilghaniding,
Yirtquchlarning yurek- baghrin tilghaniding.
Zeher tilin qarmaq bilen ilghaniding,
Korgen iduq séning qanche karamitingni.


Bext uruqini tergeniding olkimizge,
Ortaq iding yighimiz hem kulkimizge.
Kashki, bugun koturettuq yelkimizge,
Omurwayet untumaymiz rapawitingni.


Qandaq qilay, ah, judaliq sendin bugun,
Piraqingda qan yighlisam kunduz we tun.
Zerdap tolghan yurek qandaq bolar putun?
Xelq qopardi bugun séning qiyamitingni.



Tutti ejel kokte emes, yerde emes,
Tuman- bulut arisida yoluqti bes.
Jesitingni tapmaqmu xop boldiki tes,
Yadlighansen jan uzerde wilayitingni?!


Yéshing kichik idi, lékin qedring ulugh,
Herbir ishqa parasiting idi toluq.
Kutkenidi xelq sendin yoruqchiliq,
Arman bilen tashlap ketting sabaitingni.



Dewe bergen xelq séni yaqlaymiz, dep,
Koz qarisi kebi séni saqlaymiz, dep.
Siziqingda tarix bétin aqlaymiz, dep,
Élip ketting ozung bilen shapaitingni.


Baqalmiding narside perzentingge,
Shérin kebi yighlap qalghan dil bendengge.
Hayatingni bexsh qilghan peywendengge,
Chushte korer emdi ular gul qamitingni.


Gahi bihush, gahi hoshyar tuqqanliring,
Qachan estin chiqar kulup baqqanliring.
Muhebbettin piste, méghiz chaqqanliring,
Qedirleymiz emdi séning imaritingni.


Hayatingda xelq ghémini yigeniding,
Xitap qilip « oyghan xelqim!» digeniding.
Her sozungde bizge ilham bergeniding,
Emdi bilduq séning herbir isharitingni.


Sen dushmenning hiylisini pash eyliding,
Her kureshte kozlirini yash eyliding.
Birliksepning ulini gang tash eyliding,
Biz ogenduq séning tutqan siyasitingni.


Hemmige teng keldi bugun derd bilen ghem,
Chare yoqtur bashqa chushti éghir elem.
Tarixingni yazar emdi altun qelem,
Hurmet bilen saqlaymiz biz amanitingni.


Téning ketti, lékin rohing bizge yoldash,
Her saette, her minutta, ishta qoldash.
Meyuslenme, sen élingdin, ey wetendash,
Hich buzalmas sheytan séning imaritingni.

Boshqa ketmes bizni qilghan terbiyiting,
Qulaqta bar séning qilghan nesihiting.
Orundilar elge qilghan wesiyiting,
Ozung shundaq ogetkending jamaitingni.


Qanmighandi xelq séning jamalinggha,
Teshna idi yene kopler nihalinggha.
Yetkuzmidi pelek séni kamalinggha,
Anglash uchun mushtaq iduq pasahitingni.


Ey, nimshihit, dunyada hich kamal barmu?
Mersiyedin ozge ishqa majal barmu?
Sebir dimey bu qismetke amal barmu?
Qedirdan'gha yolla bugun wekalitingni.



----------------1949- Yil noyabir